Ce billet je vais l'écrire en bernois, sorry pour ceux qui ne le comprennent pas, je peux vous consoler avec les photos qui parlent d'eux mêmes...)

So itz gits mau e Post uf bärndütsch. Süsch isch ja mini Muettersprach hie nie verträtte. Usserdäm isch dr Loris flissig am bärndütsch u (vorauem) franz lehre. I muess mir scho rächt Müeh gä, so hüfig, dass es geit dütsch ds rede. Das isch nid immer so eifach, denn dr Michou isch ja nid so ne Hirsch im bärndütsch, de chumi immer wieder uf ds Franz zrügg. Es isch scho so wit, dass der Loris Sache versteit, wo dr Michou scho nüm mitchunnt. Aber ds meischte wo dr Lorisbooz uselat isch scho franz. Är seid mängisch ganz luschtigi Sache, zum Bispiu "Efedon" für Telefon und "tul" für cool, und wenn er wott frage ob är öppis darf, seid är "tu peux?" (anstatt "je peux?").

I wett aber hie vorauem no chli vo üsere Reis verzeue. Mir hei vorere Wuche per Zuefau e Troumstrand entdeckt, fasch ke Touris, vo üsem Moby chame diräkt i ds Meer gumpe (nei, i übertribe fasch nid...), es git dert nur Sunne, Sand u Meer. Mir si dert 5 Nächt blibe u si einisch mit de Velo go ichoufe. Süsch si mir go loufe u hei üs fasch immer ir nächi vom Strand ufghaute. Mir hei ono es paar nätti Lüt troffe, wo e chline Bueb hei im Auter vom Loris. Die zwe heis sehr guet zäme gha u hei gsandelet vom Morge bis am Abe. Mir hei a zwene Tag Deufine gseh. Es si öppe 20 gsi, wo mitenang gschwumme si. Mängisch si sie sogar ufgumpet oder me het vo mehrerne mitenang d' Rüggeflosse gseh.

Mir si geschter abgfahre u si itz bi Sagres imene Camping. Dä Post schribi vom Cabo de São Vicente, em weschtlechschte Punkt vom Kontinänt Europa. Vor üs geits öppe 80 Meter i Töiffi, u när gseht me dr Atlantik. Es windet sehr starch u uf jedere Wäue hets e Schumchrone. Hie isch ds Paradies vo de Surfer u a jedere Egge hets e Surfshop oder e Surfschueu.

Leider gits hie am ändi vo der Wäut ke Wifi Internet Aschluss, wägedäm weiss i o nid, wenn i dä Post cha uf üse Blog tue...

Mir wette o e Videopost mau mache, mir hätte ämu scho Materiau. Mir müesse aber e guete Internetaschluss mau ha um das ufedslade u ds teschte.

So das wäre d News vo üs, i hoffe, dass dä Schwizerdütsch Post bewürkt, dass d Schwizer e chli me Kommentare abgäbe. Es würd üs ämu